قصة بنات كانت بينهم عشرت عمر وسنين وانتهت بلحظه وبمسج واحد

عندي لكم قصة 3 بنات كانوا اكثر من رفيجات يتراوالي ان لو وحده فيهم غابت الباقي يموتون ولا يعرفون شسووون
مره وحده مرضت فتموو يسالون عنها وياخذون اخبارها ووصلت فيهم انهم يهجمون بيتها بس عشان يتاكدوون منها وما ارتاحوا الا لما اسمعوا صوتها وبهذاك اليوم ما حضروا ولا حصه ونطردو من حصتين تمو يبجون اليوم كله عليها واليوم الثاني لما طاحت عندهم بالمدرسه انهارت وحده فيهم والثانيه ما اقدرت تمسك اعصابها يوم شافت الاسعاف شايلتها كانوا بنات المدرسه يحاولون يهدون فيهم ولاهم قادرين من كثر البجي والنوح كان كل شخص لما يطالعهم يبجي معاهم كانوا يكسرون الخاطر
واذا سالناهم شفيكم قالو فقدنا انسانه راحت وما ردت لنا يحسسونج انها ماتت لاكن تكون البنت تعبانه نفسيتها وقاعده بغرفة الاخصائيه
وياويلها لتغيب فيهم وما تعطيهم خبر يزعلون عليها اسبوع
ويغارون على بعض اذا وحده مشت مع غيرهم ....... يحسون ان في شي ناقصهم ..... اذا ردوا البيت يركضون على الفون وكل وحده تدق على الثانيه وتتطمن وصلتي بخير مرتاحه حياتي تغديتي وطبعا يكونون شابكين الثالثه علشان ما يكون في شي طايفها كانوا كل شي حق بعض وكانت في بينهم مسجات بالمسنجر
وهذي وحده من الرسايل ***((( للعلم ترى الرساله طرشوها بعد ساعه من الهده يعني توها شايفتها ))***

الاولى :_ مشتاقه لج حياتي لا تنسيني ولا تخلين عني ولهانه عليج شبكي على المسن وفتحي الكام بخاطري اشوفج لان صورج اللي عندي لما اكلمها ما ترد علي ابيج انتي حياتي لا تخليني والله ولهانه ....

الثانيه :_ يا بعد رووووحي
والله حتى انا مشتاقتلج
مشتاقه حق علامة الجوده لما نطلع ثلاثتنا مع بعض بالخمس دقايق
ومشتاقه على غيرتي على (..) لما تروح مع (..)او (..)
ومشتاقه اركض والمج مثل كل يوم مشتاقه اطقج ولما اسبج تقوليلي تاكلين تبن واضحك
مشتاقه افصل علييييييييج مثل يوم الخميس انا وملوك لما فصلنا وودي اسمع اغاني وارقص واسلم على بنات المدرسه اللي اعرفهم واللي ما اعرفهم
السلاااااااااااااااااام عليكم
هاي كيفكم شو اخباركم لوووووووول ههههههههههههه
الحب خالد وحبي خالد وباقي للي احبه واحب دارٍ سكن فيها
لا تخافين انا لو شنو ماراح انساج وانشاالله عن قريب ادق عليج وانشاالله تردين وماتسكرين الجهاز
احبكم وايد وشوقي لج وصل حددددددددددددددده
lovech


كانوا ميانين واااااااايد وااايد والكل يشتكي منهم بس اذا غابوا تحسين ان في شي ناقص بالمدرسه تكوون هاديه حييل



بس بيوم ومن غير سابق انذار وصلت كانت بين اثنين هذي المحادثه ...:-


hotmail.com@:
*((..)) نادتها باسمها
راح كنه ينطرها من الله !!! :
*عيوني
@hotmail.com:
*ليش تنقلين حجي انتي عبالج بخاف
راح كنه ينطرها من الله !!! :
*شنو
@hotmail.com:
*بس مشكوره خليتين اعرف منو يحبني ومنو يكرهني
راح كنه ينطرها من الله !!! :
*بابا
*اقووول
[ندعوك للتسجيل في المنتدى أو التعريف بنفسك لمعاينة هذا الرابط]:
*لاتقولين خسرتها انتي نيتج تنقلين حجي واسلوبج خليه لج فاهمه
راح كنه ينطرها من الله !!! :
*فهمني شتقولين بعدين تكلمي




محد يعرف شنو قصة هذي المحادثه حتى الرفيجات الثلاثه **((( طبعا الثالثه اختفت من غير اي سبب ))**
نسال البنات ونحاول نييب اخبار عنهم لاكن بالنهايه تدرون شنو طلع السبب
ان وحده فيهم بتنتغل وهما بيحاولون ينسونها على شان يقدرون يكملون حياتهم من غير لا يذكرون الايام الحلوه بينهم فكان الحل عندهم انهم يتهاوشون على سبب مجهول او مو موجود علشان لما يتذكرون بعض يقولون هيا لراحت وتخلت او هيا لتهاوشت وتغلت ولا ندري السبب شنو
حبو ينهون حياتهم لاكن ما كان في اسلوب
بدال لا يعيشون اخر لحظه حلوه وما ينسونها بدال ما يصورنها فيديو ويخلونها
كانت اخرتها هواش وزف على شنو محد فيهم او فينا يدري



بعد القصه هذي ابي اعرف شنو كان مفروض يكون الحل بنضركم يعني بدال اخر محادثه شنو مفروض يسووون وهال كان مفروض يصير لصار ولالا
ولي يومكم هذا كل وحده فيهم ندمانه ولا تقدر تنام الليل كله الا لما تذكر كل لحظه حلوه او مره مرت بينهم او عاشوها مع بعض


وكانت هذي اخر لحظه بين بنات عاشوا اكثر من اسنين عمرهم وقعدو مع بعض اكثر من لما يقعدون مع اهلهم كانت هذي لحظه الفراق بينهم



انتقلت البنت مدرسه يديده وتمت الثانيه بمدرستها القديمه والثالثه ما تحملت وسافرت بره وكملت دراستها بالخارج

قصه صجيه وواقعيه

مشكوورة على هذي القصة الجميلة

تقبلي مني مروري + تحياتي

ولو اهم شي انها اعجبتج